ខេមរៈ សិរីមន្ត លាតត្រដាងការពិតរឿងប្អូនស្រីលោកធ្លាក់ខ្លួនឈឺរយៈពេល៤ឆ្នាំ
ភ្នំពេញ ៖ តារាចម្រៀងល្បីឈ្មោះ លោកខេមរៈ សិរីមន្តចេញមុខលាតត្រដាងការពិត រឿងប្អូនស្រីបង្កើតរបស់លោក កញ្ញា ខេមរៈសិរីមន្តពៅ ធ្លាក់ខ្លួនឈឺរយៈពេល៤ឆ្នាំបានធ្វើឲ្យមហាជន កាន់តែខ្លោចចិត្តអាណិតនាងមួយកម្រិតទៀត ខណៈដែលដើមចមជំងឺដំបូងដែលធ្វើឲ្យនាងធ្លាក់ខ្លួនឈឺធ្ងន់ដោយសារតែ ការធ្វើរោគវិនិច្ឆ័យ របស់គ្រូពេទ្យខុស ហើយអោយនាងលេបថ្នាំ រហូតដល់មានបញ្ហាធ្ងន់តិចម្តងៗ រហូតទៅបញ្ចូនទៅព្យាបាលនៅមន្ទីរពេទ្យ រយៈពេល៤ឆ្នាំ គិតមកដល់ពេលនេះ គឺនាងអត់ទ្រាំ ឈឺចាប់ ខ្លោចផ្សារ ពិបាកទ្រាំណាស់ ក្នុងការតស៊ូនិងជំងឺនានា រហូតដល់ថ្ងៃចុងបញ្ចប់នៃជីវិត។
លោក ខេមរៈសិរីមន្ត បានរៀបរាប់ទាំងទឹកភ្នែកថា ប្អូនស្រីលោកមុនទទួលមរណៈភាព ស្ថានជំងឺហាក់បានធូរស្រាលច្រើនហើយ ទើបគ្រូពេទ្យនៅប្រទេសថៃ ចង់ឲ្យបញ្ចូននាងទៅវះកាត់ដូរគ្រឿងក្នុង(ក្រលៀន)នៅឥណ្ឌា តែជាអកុសលពេលទៅដល់ទីនោះ មិនដូចការរំពឹងទុកនោះទេ ប្អូនស្រីលោកកើតជំងឺផ្កាសាយ ធ្វើឲ្យប៉ះពាល់ដល់ជំងឺចាស់រើឡើង ធ្វើឲ្យស្ថានភាពធ្លាក់ចុះជាថ្មីម្តងទៀត។ មុនពេលប្អូនស្រីរបស់លោកស្លាប់ នាងបានតេមកលោក ហើយប្រាប់ថា “បងខ្ញុំទ្រាំទៀតលែងបានហើយ បើឆ្លងផុតខ្ញុំក៏សប្បាយចិត្ត តែបើមិនជាទេ ខ្ញុំចង់ប្រាប់បងថា ខ្ញុំស្រលាញ់បងប្រុសខ្លាំងណាស់ បើអាចមានជាតិក្រោយ សុំធ្វើជាបងប្អូន ជាគ្រួសារតែមួយដូចពេលនេះទៀត (យំ)”។
លោក សិរីមន្ត បន្តទាំងក្តុកក្តួលថា សម្រាប់ថ្លៃចំណាយព្យាបាលប្អូនស្រី លោកចំណាយមិនកំណត់នោះទេ ឲ្យតែពេទ្យទាក់ទងមកគឺលោកចំណាយគ្រប់យ៉ាង សុំតែអោយប្អូនឆាប់ជា ជាមធ្យមក្នុងមួយខែ លោកត្រូវត្រៀមចន្លោះពី៦ពាន់ដុល្លារ-១ម៉ឺនដុល្លារ ឬខែខ្លះអាចចំណាយដល់ ២ម៉ឺនដុល្លារ ដោយសារជំងឺធ្វើទុកជាដើម ដោយលោកចំណាយបែបនេះ រយៈពេល៤ឆ្នាំ។ សុខចិត្តធ្វើគ្រប់យ៉ាងឲ្យតែសង្គ្រោះប្អូនស្រីបាន ចុងក្រោយនៅតែមិនអាចសង្គ្រោះបានដដែល ៕
