ម៉ែឪរវល់ទៅរកសុីកូនដុតចំបើងរាលឆេះផ្ទះខ្ទេចគ្មានសល់
ស្វាយរៀង៖ផ្ទះប្រជាពលរដ្ឋ១ខ្នងធ្វើអំពីឈើប្រក់ហ្វីប្រូសុីម៉ង់ ត្រូវបានអគ្គីភ័យឆាបឆេះអស់ទាំងស្រុង
ហេតុការណ៍គ្រោះអគ្គីភ័យនេះបានកើតឡើងកាលពីវេលាម៉ោង៣និង០០នាទីរសៀលថ្ងៃទី០៣ខែកុម្ភះឆ្នាំ២០១៩ នៅចំណុចភូមិស្វាយឃុំស្វាយធំស្រុកស្វាយជ្រំខេត្តស្វាយវៀង។
ម្ចាស់ផ្ទះរងគ្រោះប្ដីមានឈ្មោះ សុន ម៉ៅអាយុ ៣៣ឆ្នាំ និងប្រព័ន្ធឈ្មោះ ឈឿង ណាក់ អាយុ៣១ឆ្នាំ ចំណែកផ្ទះ ដែលរងគ្រោះដោយសារអគ្គីភ័យមានទំហំ 6m គុណនឹង7mជញ្ជាំងស័ង្កសី ដំបូលប្រក់ហ្វីប្រូ ស៊ីម៉ង់ ។
បើយោងតាមប្រភពពីប្រជាពលរដ្ឋដែលនៅក្បែខាងបានឲ្យដឹងថា មុនកើតហេតុ គឺកូនម្ចាស់ផ្ទះនាំគ្នាលេងឡុកឡ នៅខាងក្រោយផ្ទះហើយបានដុតចំបើងបណ្ដាលអោយឆាបឆេះសន្ធោសន្ធៅ រាលដាលមកបន្តឆេះផ្ទះថែមទៀតនៅសល់តែគំនរផេះនិងជើងសរសសុីម៉ង់ ខូចខាតទ្រព្យសម្បត្តិអស់ទាំងស្រុងគ្មានសល់ ។
ប្រភពបានបន្តថា នៅផ្ទះកើតហេតុគឺមានតែជីដូននិងចៅៗទេដែលរស់ ចំណែកឪពុកម្ដាយក្មេងៗ ដែលជាម្ចាស់ផ្ទះ ដោយសារតែជីវភាពមានការខ្វះខាត បាននាំគ្នាប្ដីប្រពន្ធទៅរកសុីនៅឯទីក្រុងភ្នំពេញ ដោយបន្សល់ទុកកូនៗអោយនៅចាំផ្ទះជាមួយជីដូន ។
គ្រោះអគ្គីភ័យបំផ្លាញផ្ទះប្រជាពលរដ្ឋនេះដោយសារតែនៅស្រុកស្រែជនបទមិនមានរថយន្តពន្លត់អគ្គីភ័យទើបអណ្ដាតភ្លើងឆាបឆេះតាមចិត្តរហូតឆេះអស់ទាំងស្រុង ៕ សូមឲ្យប្រជាពលរដ្ឋមានការប្រុងប្រយត្ន័អោយបានខ្ពស់ចំពោះគ្រោះអគ្គីភ័យ ព្រោះរដូវនេះជារដូវក្ដៅ
