កងរាជអាវុធហត្ថខេត្តបាត់ដំបងឃាត់ខ្លួនជនសង្ស័យ ៣នាក់និងគ្រឿងញៀនជិត១៦ គីឡូក្រាម
បាត់ដំបង៖ កម្លាំងជំនាញកងរាជអាវុធហត្ថខេត្តបាត់ដំបងបានឃាត់ខ្លួនជនសង្ស័យចំនួន ០៣នាក់ ដកហូតគ្រឿងញៀនបានជិត១៦គីឡូ ៖ ហេតុការនេះបានកើតឡើងកាលពីវេលាម៉ោង១១ព្រឹកទី១២ខែកុម្ភៈឆ្នាំ២០១៩ នៅចំណុចក្រុមទី៨ ភូមិកម្មករ សង្កាត់ ស្វាយប៉ោ ក្រុងនិងខេត្តបាត់ដំបង ។
សមត្ថកិច្ចបានអោយដឹងថា បន្ទាប់ពីធ្វើការឃាត់ខ្លួនកម្លាំងសមត្ថកិច្ចជំនាញបានរកឃើញគ្រឿងញៀន សរុបទម្ងន់ ១៥,៨គីឡូក្រាម ក្នុងនោះ ៖ ប្រភេទថ្នាំញៀនម្សៅក្រាមពណ៌សថ្លារឹង (ទឹកកក) មានទម្ងន់ ៩,៧០ គីឡូក្រាម និងថ្នាំគ្រាប់ ប្រភេទ (WY) ទម្ងន់ ៦,១០ គីឡូក្រាម។
បច្ចុប្បន្ន ជនសង្ស័យទាំង៣នាក់រួមនិងវត្ថុតាងត្រូវបានបញ្ជួនទៅកងរាជអាវុធហត្ថខេត្តបាត់ដំបង ដើម្បីធ្វើការសាកសួរនិងកសាងសំណុំរឿងបញ្ជួនទៅតុលាការចាត់ការបន្តតាមនីតិវិធីនៃច្បាប់ ៕
