តណ្ហាឡើងដល់កម្រិតចាប់ក្មេងស្រីរំលោភបានសម្រេចត្រូវសមត្ថកិច្ចចាប់វាយខ្នោះ
ភ្នំពេញ៖ បុរសល្មោមកាមតណ្ហាឡើងដល់កម្រិតទ្រាំមិនបានចាប់ខ្ទប់មាត់ក្មេងស្រីអាយុទើបតែ១៤ឆ្នាំបង្ខំរំលោភសេពសន្ទវ: ដែលជាអនិតិជនវ័យ ទាល់តែបានសម្រេច រួចដើរទៅដេកធ្វើដូចមិនមានរឿងអ្វីកើតឡើង ។
ជនសង្ស័យល្មោភកាមត្រូវបានកម្លាំងនគរបាលចុះឃាត់ខ្លួនយកទៅសួរនាំភ្លាមៗ យោងបណ្ដឹងតាមទូរស័ព្ទពីស្ត្រីជាម្ដាយរបស់ក្មេងស្រីរងគ្រោះនៅរសៀលថ្ងៃ១២ ខែកុម្ភះ ឆ្នាំ២០១៩ នៅក្បែរទីតាំងកើតហេតុ នៅចំណុចបន្ទប់ជួលមួយកន្លែង ផ្លូវ១០៣ ក្រុមទី៣ ភូមិទួលថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
សមត្ថកិច្ចបានបញ្ជាក់ថា ក្មេងស្រីរងគ្រោះជាអនិតិជនឈ្មោះ រ.ស.ល ទើបតែអាយុ១៤ឆ្នាំ ស្នាក់នៅជាមួយស្ត្រីជាម្ដាយក្នុងបន្ទប់ជួលក្បែរជនសង្ស័យ ដែលទើបតែមកពីចម្ងាយមានឈ្មោះ សុខ វែង អាយុ៣៣ឆ្នាំ មុខរបរកម្មករ ស្នាក់នៅផ្ទះជួល ក្នុងភូមិជំពូវន្ត័ សង្កាត់ជំពូវ័ន្ត ខណ្ឌពោធិសែនជ័យ។
មន្ត្រីនគរបាលដដែលបញ្ជាក់ពីដំណើររឿង ដែលក្មេងស្រីរងគ្រោះរៀបរាប់ប្រាប់ម្ដាយរបស់ខ្លួនយ៉ាងដូចច្នេះថា៖ មុនពេលកើតហេតុរួបគេ (ជនរងគ្រោះ)កំពុងដេកចុចទូរស័ព្ទនៅក្នុងបន្ទប់ជួលតែម្នាក់ឯង ហើយជនសង្ស័យបានមករកសុំខ្ទឹមសរ ដោយឃើញនៅទីនោះមានសភាពស្ងាត់ពុំមានមនុស្ស ជនសង្ស័យក៏ចូលទៅក្នុងបន្ទប់ ចាប់ខ្ទប់មាត់ (អនិតិជន) ធ្វើសកម្មភាពរំលោភសេពសន្ទវៈបានសម្រេច រួចក៏ចូលទៅដេកក្នុងបន្ទប់ជួលរបស់ក្មួយវិញ ដែលនៅក្បែរនោះ (ជនសង្ស័យគឺជាអ្នកដំណើរមកលេងផ្ទះក្មួយនៅបន្ទប់ជួលក្បែរជនរងគ្រោះ)។
ក្រោយពីកើតហេតុ និងទទួលបានព័ត៌មានពីកូនស្រី ស្ត្រីជាម្តាយបានទូរស័ព្ទហៅសមត្ថកិច្ចប៉ុស្ដិ៍សង្កាត់ទួលសង្កែទី២ នៃអធិការដ្ឋាននគរបាលខណ្ឌឫស្សីកែវ ឲ្យជួយអន្តរាគមន៍នាំខ្លួនជនសង្ស័យ ដើម្បីទៅសាកសួរតែម្ដង។
បច្ចុប្បន្នជនសង្ស័យ ក្រោមការចោទប្រកាន់រំលោភសេពសន្ទវៈ បាននិងកំពុងស្ថិតក្រោមការឃុំខ្លួនសាកសួរបណ្ដោះអាសន្ននៅអធិការដ្ឋានខណ្ឌ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនិតិវិធី៕
