សមត្ថកិច្ចប៉ុស្តិនគរបាលស្ទឹងមានជ័យ៣ឃាត់ខ្លួនជនសង្ស័យម្នាក់
ភ្នំពេញ៖ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានកម្លាំងសមត្ថកិច្ចប៉ុស្តិនគរបាល ស្ទឹងមានជ័យ៣ឃាត់ខ្លួនយក ទៅសាកសួរ បន្ទាប់ពីជនសង្ស័យរូបនោះ បានធ្វើសកម្មភាព កាច់ក ម៉ូតូរបស់ជនរងគ្រោះម្នាក់បានសំរេច ដោយឡែកជនសង្ស័យម្នាក់ទៀតរត់គេចខ្លួនបាត់
ហេតុការណ៍នេះបានកើតឡើងនៅវេលាម៉ោង ១១និង៣០ នាទី ថ្ងៃទី២០ខែឧសភា ឆ្នាំ២០១៨ ក្នុងបុរីសូនី ផ្ទះលេខ១២៤ ផ្លូវលេខ៣៦ ទល់មុខហាងការហ្វេ ធម្មជាតិ ភូមិឬស្សី១ សង្កាត់ស្ទឹងមានជ័យ៣ ខណ្ឌមានជ័យ ។
ជនសង្ស័យមានឈ្មោះ សន ចាន់ឡុក ភេទប្រុស អាយុ៣៤ឆ្នាំ មុខរបប កម្មករសំនង់ ស្នាក់នៅផ្ទះជួល ភូមិបឹងឈូក សង្កាត់ អូបែកក្អម ខណ្ឌសែនសុខ មានស្រុកកំណើត ភូមិពង្រ ឃុំពង្រ ស្រុកបាធាយ៍ ខេត្តកំពង់ធំ ដកហូតម៉ូតូ ម៉ាក់ YAMAHA FINO ពណ៌ក្រហមលាយស ពាក់ស្លាកលេខ ភ្នំពេញ 1AM 4174 មួយគ្រឿង ជារបស់ជនសង្ស័យ ។
ចំណែកជនរងគ្រោះមានឈ្មោះ ប៉ែន នៅវីណា ភេទប្រុស អាយុ៣០ឆ្នាំ មុខរបប មន្ត្រីកងរាជអាវុធហត្ថក្រុងភ្នំពេញ ស្នាក់នៅផ្ទះជួលកន្លែងកើតហេតុ មានស្រុកកំណើត ស្រុករមាសហែកខតេ្តស្វាយរៀង។ ហើយម៉ូតូដែរជនសង្ស័យកាច់ក លួចយកទៅគឺម៉ាក ឌ្រីសង់ សេរីឆ្នាំ ២០១៦ ពណ៌ខ្មៅ ពាក់ស្លាកលេខ ភ្នំពេញ 1FM 3867 ។
តាមសម្តី ជនរងគ្រោះបានអោយដឹងថា មុនពេលកើតហេតុ រូបគាត់បានទុកម៉ូតូនៅក្នុងផ្ទះជួលខាងក្រោម ហើយបានឡើងទៅបន្ទប់ជួលនៅខាងលើ ខណះពេលនោះរូបគាត់ក៍មិនដឹងថាបាត់ម៉ូតូដែរ តែចៃដនត្រូវបានអ្នកជិតខាងដែលលក់ កាហ្វេនៅខាងមុខផ្ទះឃើញជនសង្ស័យដែលមានគ្នា២នាក់បានចូលទៅធ្វើសកម្មភាពកាច់ក យកម៉ូតូ របស់គាត់ រួចនាំគ្នាជិះរត់គេចខ្លួន ភ្លាមនោះដែរ បងប្អូនប្រជាពលរដ្ឋដែលឃើញ ហេតុការណ៍ជាក់ស្តែង ក៍បាននាំគ្នាជិះម៉ូតូ ដេញតាម ជនសង្ស័យ ហើយស្រែកថាចោរៗ បានប្រហែល៥០០ម៉ែត្រ ពីកន្លែងកើតហេតុ ក៍ត្រូវសមត្ថកិច្ច ដែរល្បាតឆ្លងកាត់ ទីនោះបានឃើញ ក៍បានឃាត់ខ្លួន បានជនសង្ស័យម្នាក់និងម៉ូតូមួយគ្រឿង យកទៅសាកសួរនៅប៉ុស្តិនគរបាលស្ទឹងមានជ័យ៣ ចំណែកបក្ខ ពួកម្នាក់ទៀត បានជិះម៉ូតូជនរងគ្រោះគេចខ្លួនបាត់ស្រមោល ។
នៅចំពោះមុខសមត្ថកិច្ច ជនសង្ស័យបានសារភាពថា ពួកគេពិតជាបាន រួមគំនិត កាច់កលួចយកម៉ូតូ របស់ជនរងគ្រោះពិតប្រាកដមែន ។
ក្រោយពេលកើតហេតុ ជនរងគ្រោះបានមកដាក់ពាក្យបណ្តឹងនៅប៉ុស្តិនគបាលស្ទឹងមានជ័យ៣ ដើម្បីអោយសមត្ថកិច្ចចាត់ការតាមផ្លូវច្បាប់ ចំណែកជនសង្ស័យត្រូវបានសមត្ថកិច្ចកសាងសំនុំរឿងបញ្ជូនទៅអធិការដ្ឋានខណ្ឌមានជ័យដើម្បីចាត់ការបន្តតាមនិតិវិធី ៕
