កម្លាំងនគរបាលប៉ុស្តិ៍ស្ទឹងមានជ័យ៣ឃាត់ខ្លួនជនសង្ស័យជាបន្តបន្ទាប់បានចំនួន៣នាក់ពាក់ព័ន្ធគ្រឿងញៀន
ភ្នំពេញ៖ ជនសង្ស័យ៣នាក់ត្រូវបានសមត្ថកិច្ចនគរបាលប៉ុស្តិ៍ស្ទឹងមានជ័យទី៣ ឃាត់ខ្លួនបានជាបន្តបន្ទាប់ខណៈដែលកម្លាំងសមត្ថកិច្ចដាក់គោលដៅត្រួតពិនិត្យច្បាប់ចរាចរណ៍ផ្លូវគោកនៅតាមបណ្ដោយផ្លូវវេងស្រេងត្រង់ចំនុចមុខផ្សារឯករាជ្រ៣ ភូមិដំណាក់ធំ៣សង្កាត់ស្ទឹងមានជ័យ៣ ខណ្ឌមានជ័យ កាលពីវេលាម៉ោង១០និង៤០នាទីព្រឹកថ្ងៃទី២១ខែកុម្ភៈឆ្នាំ២០១៩ ។
លោក ឯម ភារី នាយប៉ុស្តិ៍ស្ទឹងមានជ័យទី៣បានអោយដឹងថា ជនសង្ស័យទាំង៣នាក់រួមមាន៖ ទី១ ឈ្មោះ វន វុត អាយុ ២៥ឆ្នាំ ៖ ទី២ ឈ្មោះ ចិន ព្រិច អាយុ ២៤ឆ្នាំ អ្នកទាំងពីរស្នាក់នៅក្នុងសង្កាត់ស្ទឹងមានជ័យ៣ និងទី៣មានឈ្មោះ យ៉ាង អាយុ២៤ឆ្នាំ ជនជាតិវៀតណាម ស្នាក់នៅមិនប្រាកដ។
លោកនាយប៉ុស្តិ៍បន្តថា ការឃាត់ខ្លួនជនសង្ស័យទាំង៣នាក់ធ្វើឡើងខណៈ កម្លាំងនគរបាលប៉ុស្តិរដ្ឋបាលដាក់គោលដៅដើម្បីអនុវត្តន៍ច្បាប់ចរាចរណ៍ផ្លូវគោក ពេលនោះជនសង្ស័យ២នាក់បានជិះម៉ូតូ១គ្រឿងម៉ាកMSXពាក់ស្លាកលេខភ្នំពេញ1FN-519 ឆ្លងកាត់គោលដៅដោយមានការសង្ស័យក៏ហៅឃាត់សួរនាំឆែកឆេរត្រួតពិនិត្យរកឃើញថ្នាំងញៀន១កញ្ចប់នៅនិងខ្លួនក៏នាំយកមកធ្វើការសាកសួរនៅប៉ុស្តិ បន្ទាប់មកបានឃាត់ខ្លួនជនសង្ស័យម្នាក់ទៀតឆែកឆេរកឃើញថ្នាំញៀន២កញ្ចប់ហើយក៏នាំមកសាកសួរនៅប៉ុស្តិនគរបាលស្ទឹងមានជ័យ៣ និងកសាងសំណុំរឿង ។
បច្ចុប្បន្នជនសង្ស័យទាំង៣នាក់រួមនិងវត្ថុតាង ត្រូវបានសមត្ថកិច្ចធ្វើការសាកសួរនិងកសាងសំណុំរឿងបញ្ជូនទៅឃុំខ្លួនបណ្ដោះអាសន្ននៅ អធិការដ្ឋាននគរបាលខណ្ឌមានជ័យ ដើម្បីចាត់ការបន្តតាមនិតិវិធីច្បាប់ ៕
