រន្ធត់ណាស់! បុរសម្នាក់ជិះម៉ូតូគេចពីរថយន្ដគេដេញបុកជ្រុលទៅបុកបង្គោល់ភ្លើងស្លាប់គួរអោយសង្វេក
ភ្នំពេញ៖ បុរសម្នាក់ជិះម៉ូតូ១គ្រឿងត្រូវរថយន្ដមិនស្គាល់ម៉ាកដេញបុកពីក្រោយ ភ័យពេកជិះគេចពីរថយន្ដជ្រុល ហោះឡើងលើឃឿងទ្រូងផ្លូវទៅបុកបង្គោល់ភ្លើងបណ្ដាលឲ្យបោកក្បាលធ្លាយខួរស្លាប់គួរឲ្យរន្ធត់
ហេតុការណ៍ភ្ញាក់ផ្អើលដ៏រន្ធត់នេះបានកើតឡើងកាលពីវេលាម៉ោង១ និង១០ នាទីរំលងអាធ្រាតឈានចូលថ្ងៃទី២៨ ខែកុម្ភៈ ឆ្នាំ២០១៩ នៅតាមបណ្ដោយផ្លូវជាតិ៦Aត្រង់ចំណុចសាលាបឋមសិក្សាព្រែកលៀប ស្ថិតក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
បើយោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ បុរសរងគ្រោះបានជិះម៉ូតូម៉ាកFTR ពណ៌ខ្មៅ ពាក់ស្លាកលេខភ្នំពេញ1CP-2986 ធ្វើដំណើរតាមបណ្ដោយផ្លូវជាតិលេខ៦A ទិសដៅពីត្បូងទៅជើងក្នុងល្បឿនលឿន ខណះពេលនោះក៏មានរថយន្ដមួយគ្រឿងមិនស្គាល់ម៉ាកបានបើកដេញមកពីក្រោយស្របទិសគ្នាក្នុងល្បឿនយ៉ាងលឿន ធ្វើឲ្យជនរងគ្រោះភ័យស្លន់ស្លោរក៏បានជិះម៉ូតូគេចពីរថយន្ដបណ្ដាលឲ្យផ្លោងហោះលើឃឿងផ្លូវទៅបុកនិងបង្គោលភ្លើងបណ្ដាលឲ្យបោកក្បាលស្លាប់យ៉ាងអាណោចអធម៌ ចំណែករថយន្ដបង្កបើកគេចបាត់ស្រមោល ។
ក្រោយពេលកើតហេតុសមត្ថកិច្ចចុះមកដល់កន្លែងកើតហេតុបានធ្វើការវាស់វែង យកម៉ូតូជនរងគ្រោះទៅរក្សាទុករងចាំបងប្អូនយកឯកសារមកផ្ទៀងផ្ទាត់និងប្រគល់ឲ្យវិញ។ ចំណែកសពជនរងគ្រោះសមត្ថកិច្ចបានធ្វើកំណត់ហេតុប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
