អាវុធហត្ថស្រុកអន្លង់វែងឃាត់ខ្លួនជនសង្ស័យម្នាក់ដកហូតគ្រឿងញៀន៦កញ្ចប់តូចធំ
ឧត្តមានជ័យ៖ កម្លាំងកងរាជអាវុធហត្ថស្រុកអន្លង់វែងបង្រ្កាបករណី ជួញដូរ គ្រឿងញៀនឃាត់ខ្លួនជនសង្ស័យម្នាក់ដកហូតគ្រឿងញៀនបានចំនួន៦កញ្ចប់តូចធំ
ប្រតិបត្តិការណ៍នេះបានធ្វើឡើងកាលពីម៉ោង១២និង៣០នាទីរសៀលថ្ងៃទី០៣ខែមិនាឆ្នាំ២០១៩ នៅចំណុចផ្ទះជួល ស្ថិតនៅក្នុងភូមិអភិវឌ្ឍន៍ ស្រុកអន្លង់វែង ខេត្តឧត្តរមានជ័យ ។
ជនសង្ស័យដែលសមត្ថកិច្ចឃាត់ខ្លួនមានឈ្មោះ គឹម នៀង ភេទប្រុស អាយុ ២៥ឆ្នាំ មុខរបរធ្វើស្រែ បច្ចុប្បន្នរស់នៅ ភូមិដីក្រហម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចបានឲ្យដឹងថា បន្ទាប់ពីឃាត់ខ្លួនជនសង្ស័យរួចបានដកហូតគ្រឿងញៀនបានចំនួន០៥ថង់ធំ និងថង់តូច០១ ស្មើ ៥០០,៦៧ក្រាម ទូរស័ព្ទដៃ០1គ្រឿងប្រាក់រៀលចំនួន 1០០.០០០រៀលជញ្ជីងសម្រាប់ថ្លឹង០១គ្រឿងនិងពូថៅដៃ០១ ។
បច្ចុប្បន្នជនសង្ស័យរួមវត្ថុតាងត្រូវបានសមត្ថកិច្ចធ្វើការសាកសួរនិងកសាងសំណុំរឿងដើម្បីបញ្ជួនទៅតុលាការចាត់ការបន្តតាមនិតិវិធីច្បាប់ ៕
