សាហាវហួសពិតជាមិនដឹងបុណ្យនិងបាបមែន!! លោកតាអាយុ៩៤ឆ្នាំម្នាក់ ត្រូវស្ត្រីកម្មការិនីរោងចក្រម្នាក់យកដំបងឫស្សីវាយបែកក្បាលរបួសធ្ងន់
កណ្តាល ៖ លោកតាអាយុជិត៩៤ឆ្នាំត្រូវបានស្ត្រីម្នាក់កដំបងឬស្សីវាយបណ្តាលឲ្យរងរបួសក្បាល និងដៃ ៖ ហេតុនេះបានកើតឡើងកាលពីវេលាម៉ោង០៤និង២០នាទីរសៀលថ្ងៃទី០៤ ខែមីនា ឆ្នាំ២០១៩ នៅចំណុចភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ។
សមត្ថកិច្ចបានឲ្យដឹងថា លោកតារងគ្រោះមានឈ្មោះ លីវ ឈៀង អាយុ៩៤ឆ្នាំមានទីលំនៅភូមិស្វាយតានី ឃុំព្រែកគយ ស្រុកស្អាង ខេត្តកណ្ដាល បានរងរបួសក្បាល និងដៃឆ្វេង ។ ចំណែកស្ត្រីដែលជាជនសង្ស័យមានឈ្មោះ ម៉ូូវ ង៉ិចហៀក ភេទស្រី អាយុ២៨ឆ្នាំ មុខរបកម្មការិនីរោងចក្រមានទីលំនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល បានប្រើដំបងឫស្សីវាយទៅលើលោកតា ។
សមត្ថកិច្ចបានបន្តថា មុនកើតហេតុ លោកតា ដែលជាជនរងគ្រោះបានដើរកាន់ឈើរច្រត់តាមផ្លូវលំកាត់ មុខផ្ទះរបស់ជនសង្ស័យឈ្មោះ ម៉ូវ ង៉ិចហៀកពេលនោះឆ្កែរបស់ជនសង្ស័យ ចំនួនពីរក្បាលបានព្រុសខ្លាំងៗចេញពីក្នុងផ្ទះមកដេញលោកតារងគ្រោះ ភ្លាមៗនោះជនរងគ្រោះបានយកឈើច្រត់របស់ខ្លួន វាយ ឆ្កែដើម្បីកុំអោយឆ្កែខាំស្រាប់តែត្រូវឈ្មោះ ម៉ូវ ង៉ិច ហៀក ថាគេវ៉ៃឆ្កែរបស់ខ្លួនក៏យកដំបងឬស្សីប្រវែង ០១ម៉ែត្រ០៦ហ៊ុន មកវាយជនរងគ្រោះ បណ្តាលអោយបែកចំពីលើក្បាល និងមានស្នាមមុតដៃខាងឆ្វេងចេញឈាមទៀតផង។
ក្រោយមកលោកតាដែលជាជនរងគ្រោះបានទៅប្ដឹងសមត្ថកិច្ច ហើយទៅសំរាកព្យាបាល របួសនៅមន្ទីពេទ្យឯកជនមួយនៅស្វាយតានី។ ចំណែកស្ត្រីជនសង្ស័យខាងលើ ត្រូវបានសមត្ថកិច្ចឃាត់ខ្លួនបញ្ចូនទៅកាន់អធិការដ្ឋាននគរបាលស្រុកស្អាង ដើម្បីចាត់ការតាមនីតិវិធី ៕
