ល្បែងសុីសងខុសច្បាប់គ្រប់ប្រភេទកើតមានពេញបន្ទុកនៅស្រុកព្រៃកប្បាសតែលោកអធិការនិងមេបញ្ជាការអាវុធហត្ថស្រុកមើលមិនឃើញ
តាកែវ៖ បើតាមសេចក្ដីរាយការណ៍ពីប្រជាពលរដ្ឋថា ទីតាំងសង្វៀនជល់មាន់ខុសច្បាប់មួយកន្លែងនៅខាងកើតផ្សារជ្រែស្រុកព្រៃកប្បាស បើកលេងយ៉ាងអាណាធិបតេយ្យបង្កភាពអសន្តិសុខក្នុងសង្គម ប៉ះពាល់ដល់ការរស់របស់បងប្អូន ប្រជាពលរដ្ឋ តែអាជ្ញាធរនិងសមត្ថកិច្ច ស្រុកព្រៃកប្បាស មិនបង្ក្រាប ធ្វើពលរដ្ឋរិះគន់ទៅលោកអធិការ និងលោកមេបញ្ជាការកងរាជអាវុធហត្ថស្រុកព្រៃកប្បាស ថាល្បែងគ្រប់សុីសង ប្រភេទ រួមមានជល់មាន់ បៀរ អាប៉ោង និង ចាក់កន្ទុយលេខ កំពុងរីករាលដាលគគ្រឹកគគ្រេងមិនចាញ់កាស៊ីណូនោះឡើយ តែលោកទាំង២ហាក់មិនមានវិធានការទប់សង្កាត់ឬក៏បង្ក្រាបឡើយ ។
ពលរដ្ឋបន្តថា វង់ល្បែងសុីសងខាងលើនេះប្រមូលផ្ដុំទៅដោយប្រជាពលរដ្ឋខ្មែរ ដែលញៀនល្បែងទៅលេងភ្នាល់ដាក់លុយចាញ់ឈ្នះរាប់លានរៀលនិងមានពេលខ្លះអ្នកពេលចាញ់អស់លុយមកដល់ផ្ទះបង្កអំពើហឹង្សាក្នុងក្រុមគ្រួសារទៀតផង ហើយអ្វីដែលសំខាន់នោះគឺបញ្ហាភាពអសន្តិសុខកើតមានចោរលួច ចោរប្លន់។ ល។
ពួកគាត់បានលើកឡើងថា ឯណាទៅ គោលនយោបាយភូមិឃុំមានសុវត្តិភាព៩ចំណុចរបស់រាជរដ្ឋាភិបាលដែលបានដាក់ចេញឲ្យអាជ្ញាធរមានសមត្ថកិច្ច មូលដ្ឋានអនុវត្តន៍ ដើម្បីរក្សានូវសុខសុវត្តិភាពជួនប្រជាពលរដ្ឋ តែមន្ត្រីថ្នាក់ក្រោមមិនអនុវត្តន៍ផងនោះ។
ប្រជាពលរដ្ឋបានសូមណូមពរដល់ លោកឧត្តមសេនីយ៍ទោ សុខ សំណាង ស្នងការនគរបាល ខេត្តតាកែវ និងលោក ឡា ឡៃ មេបញ្ជារការកងរាជអាវុធហត្ថខេត្ត មេត្តាមានវិធានការទប់សង្កាត់និងបង្ក្រាបរាល់ល្បែងសុីសងខុសច្បាប់គ្រប់ប្រភេទនៅស្រុកព្រៃកប្បាសផង ! ហើយអាចមិនថាតែនៅស្រុកព្រៃកប្បាសមួយទេគឺនៅទូរទាំងខេត្តតែម្ដង ៕
