ថតពាក់ឯកសណ្ឋានសមត្ថកិច្ចនិងមានគ្រឿងញៀនបង្ហោះតាមបណ្តាញសង្គម Facebookត្រូវសមត្ថកិច្ចចាប់វាយខ្នោះ
ឧត្តរមានជ័យ៖ ជនសង្ស័យម្នាក់ត្រូវបានកម្លាំងសមត្ថកិច្ចឃាត់ខ្លួនហើយ ក្រោយពីជនសង្ស័យរូបនេះបង្ហោះតាមបណ្តាញសង្គម Facebookដោយបានសរសេរចំណងជើង ថា «អញចង់ធ្វើអញ្ចឹងទើសក្បាលអាណា»តាមរយអាខោនFacebook ឈ្មោះ «ផុស ផុស» ព្រមទាំងមានពាក់ ឯក
សណ្ឋានជាកម្លាំងនគរបាលផងនោះ ធ្វើឲ្យកម្លាំងនគរបាលនៃស្នងការដ្ឋានខេត្តឧត្តរមានជ័យ បើកការស្រាវជ្រាវកំណត់ទីតាំង រហូតឈានដល់ការឃាត់ខ្លួនបាន និងដកហូតវត្ថុតាងគ្រឿងញៀនមួយចំនួន កាលពីរវេលាម៉ោងប្រហែល៣រសៀលថ្ងៃទី២៧ ខែមីនាឆ្នាំ២០១៩ នៅភូមិភ្នៀត សង្កាត់សំរោង ក្រុងសំរោង ខេត្តឧត្តរមានជ័យ ។
លោកឧត្តមសេនីយ៍ទោ ម៉ែន លី ស្នងការនគរបាលខេត្តឧត្តមានជ័យបានឲ្យដឹងថា ជនសង្ស័យដែលបានបន្លំស្លៀកឯកសណ្ឋានប្រយុទ្ធរបស់នគរបាលជាតិ និងដាក់ថ្នាំញៀនពីមុខរួចថតបង្ហោះនៅលើអាខោនឈ្មោះ«ផុស ផុស» និងមានឈ្មោះពិត ភឿ ផុស ភេទប្រុស អាយុ២៩ឆ្នាំ រស់នៅភូមិភ្នៀត សង្កាត់សំរោង ក្រុងសំរោង ខេត្តឧត្តរមានជ័យ។
លោកស្នងការខេត្តបន្តថា នៅក្នុងកិច្ចប្រតិបត្តិការឃាត់ខ្លួននោះកម្លាំងនគរបាលបានធ្វើការឆែករកឃើញ ថ្នាំញៀនប្រភេទមេតំហ្វេតាមីនICE ១កញ្ចប់តូច សំភារៈប្រើប្រាស់គ្រឿងញៀនមួយចំនួន ,ទូរសព្ទ័ដៃ ៤គ្រឿង ឧប្បករណ៍ឆក់ត្រី១គ្រឿង បន្ទាប់មកក៏បាននាំខ្លួនមកធ្វើការសួរនាំ ។
បច្ចុប្បន្ន ជនសង្ស័យរួមនិងវត្ថុតាង ត្រូវបានសមត្ថកិច្ចធ្វើការសាកសួរនិងកសាងសំណុំរឿងដើម្បីចាត់ការបន្តតាមនិតិវិធីច្បាប់ ៕
