ធ្លាប់ជាប់គុក៣ឆ្នាំចេញមកវិញមិនរាងពព្រឹត្តទៀតត្រូវសមត្ថកិច្ចចាប់វាយខ្នោះបញ្ជួនទៅគុកម្ដងទៀត
កណ្តាល៖ កម្លាំងនគរបាលប្រឆាំងបទល្មើសគ្រឿងញៀនស្រុកអង្គស្នួល ឃាត់ខ្លួនជនសង្ស័យបានម្នាក់ ពាក់ពន្ធ័និងករណីគ្រឿងញៀន ចំណែក២នាក់ទៀតរត់គេចខ្លួនបាត់
ហេតុការណ៍នេះបានកើតឡើងនៅវេលាម៉ោង១១និង៣០នាទីព្រឹកថ្ងៃទី២៧ខែមិនាឆ្នាំ២០១៩ នៅចំណុចភូមិទឹកជា ឃុំពើក ស្រុកអង្គស្នួល ខេត្តកណ្ដាល ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ បឿន រដ្ឋា ហៅ ហសេ ភេទប្រុស អាយុ៣១ឆ្នាំជនជាតិខ្មែរ មុខរបរមិនពិតប្រាកដ រស់នៅភូមិ ទឹកជាឃុំពើកស្រុកអង្គស្នួល ខេត្ត កណ្តាល ។ ( ជាមុខសញ្ញាធ្លាប់ជាប់ពន្ធនាគារនៅខេត្តកណ្តាល ពីឆ្នាំ២០១៤ដល់ឆ្នាំ២០១៧រយះពេល០៣ឆ្នាំពីបទរក្សាទុកដោយខុសច្បាប់នូវសារធាតុញៀន )
=ចំណែកឈ្មោះ សុីម សុខឃាង ហៅអៀង ភេទប្រុស អាយុ៤១ឆ្នាំជនជាតិខ្មែរ និងឈ្មោះ ឃាង ឃា ភេទប្រុសអាយុ៣៨ឆ្នាំជនជាតិខ្មែរ អ្នកទាំង២មានមុខរបរមិនពិតនិងមានស្រុក កំណើត ភូមិទឹកជា ឃុំពើកស្រុកអង្គស្នួលខេត្តកណ្តាល ។
សមត្ថកិច្ចបានបន្តថា វត្ថុតាងដែលដកហូតបានរួមមាន៖ជញ្ជីងថ្លឹងថ្នាំញៀន០១ ប្រអប់ដាក់ជញ្ជីង ០១ ស្រោមជញ្ជីង ០១កូនកាបូបពណ៌ខ្មៅទូរសព្ទ័ដៃ០១គ្រឿងឧករណ៍ប្រើប្រាស់ថ្នាំញៀន មួយចំនួន ។
បច្ចុប្បន្នជនសង្ស័យរួមជាមួយវត្ថុតាងត្រូវសមត្ថកិច្ចបញ្ជូនទៅកាន់អធិការដ្ឋាននគរបាលស្រុកដើម្បីសាកសួរបន្តនិងកសាងសំណុំរឿងចាត់ការតាមនីតិវិធីច្បាប់ ៕
