សាហាវណាស!!បើករថយន្ដបំបុកចូលកន្លែងធ្វើបុណ្យភូមិស្លាប់២នាក់និង៧នាក់ទៀតរបួសធ្ងន់ស្រាល
ភ្នំពេញ៖ រន្ធត់ណាស់! បុរសម្នាក់បើករថយន្ដឡិចសុីសបំបុកចូលកន្លែងធ្វើបុណ្យភូមិមួយកន្លែងដែលប្រជាពលរដ្ឋជាច្រើនកំពុងជួបជុំគ្នាអង្គុយហូបចុកបណ្ដាលអោយស្ត្រីម្នាក់ស្លាប់ភ្លាមៗនៅនិងកន្លែងនិង៨នាក់ផ្សេងទៀតរងរបួសធ្ងន់ស្រាលហើយបានស្លាប់ម្នាក់ទៀតនៅមន្ទីរពេទ្យ ។
គ្រោះថ្នាក់ដ៏រន្ធត់នេះបានកើតងនៅវេលាម៉ោង១២និង០០នាទីថ្ងៃត្រង់ថ្ងៃទី២៨ ខែមិនា ឆ្នាំ២០១៩ នៅចំណុចផ្លូវលេខ៣៧៥ ភូមិ៤ សង្កាត់បឹងសាឡាង ខណ្ឌទួលគោក រាជធានីភ្នំពេញ។
ប្រភពព័ត៌មាននៅកន្លែងកើតហេតុបានអោយដឹងថា នៅមុនកើតហេតុប្រជាពលរដ្ឋក្នុងភូមិបានប្រារពពីធីបុណ្យភូមិដែលជាទំលាប់របស់អ្នកភូមិធ្វើជារៀងរាល់ឆ្នាំ។ ក្រោយពីបញ្ចប់កម្មពីធីបុណ្យពួកគាត់នាំគ្នាអង្គុយហូបចុកជុំគ្នាមានទាំងក្មេងទាំងចាស់ជាច្រើននាក់យ៉ាងសប្បាយអឺងកង ។ ខណៈកំពុងតែសប្បាយ ស្រាប់តែមានបុរសម្នាក់ដែលរស់នៅក្នុងភូមិនោះដែរ ហើយក៏ជានាក់នៅជិតកន្លែងកើតហេតុផងដែរបានបើករថយន្ដរបស់ខ្លួនម៉ាកឡិចសុីសRX300 ពណ៍ទឹកប្រាក់ពាក់ស្លាកលេខ ភ្នំពេញ2AN-2395 បំបុកចូលកន្លែងរៀបចំពីធីនិងថយចុះឡើងធ្វើអោយស្ត្រីម្នាក់ស្លាប់ភ្លាមៗនិង៨នាក់ផ្សេងទៀតរងរបួសធ្ងន់និងស្រាល ហើយបានស្លាប់ម្នាក់ទៀតនៅពេលបញ្ជួនទៅមន្ទីរពទ្យ ។
ប្រភពព័ត៌មានមួយទៀតបានអោយដឹងថា ជនបង្កបានផឹកស្រាប៊ៀតែម្នាក់ឯងនៅក្នុងផ្ទះរបស់ខ្លួនតាំងពីព្រឹកមកម្លេះនិងបានស្រែកឡូឡាទៀតផង លុះដល់ពេលកើតហេតុក៏ឡើងបើករថយន្ដចូលមកបុកកន្លែងពិធីតែម្ដង។
ក្រោយពេលកើតហេតុសមត្ថកិច្ចបានហៅរថយន្ដសង្គ្រោះបន្ទាន់ទៅដឹកជនរងគ្រោះទៅសង្គ្រោះភ្លាមៗ ចំណែកសពរងគ្រោះទាំង២នាក់ប្រគល់អោយសាច់ញាត្តធ្វើបុណ្យតាមប្រពៃណី។ ចំណែកជនបង្កត្រូវបានសមត្ថកិច្ចឃាត់ខ្លួនភ្លាមៗបញ្ជូនទៅអធិការនគរបាលខណ្ឌទួលគោករងចាំប្រគល់ជូនកម្លាំងជំនាញចរាចរណ៍រាជធានីភ្នំពេញ រួមនិងរថយន្តបង្កដើម្បីចាត់ការតាមនិតិវិធីច្បាប់៕
