លោក នុត ពុធដារ៉ា អភិបាលខណ្ឌដង្កោ សរសេរសារបំភ្លឺជុំវិញការចាក់ដីលុបមាត់ស្ទឹងព្រែកកំពឹស តែពលរដ្ឋនៅតែឆ្ងល់
ភ្នំពេញ៖ បន្ទាប់ពីសារព័ត៌មានមួយចំនួនបានធ្វើការចុះផ្សាយរិះគន់ជុំវិញ ប្រជាពលរដ្ឋងឿងឆ្ងល់ការចាក់ដីលុបមាត់ស្ទឹងព្រែកកំពឹស ត្រង់ចំណុចភូមិព្រែករទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ ដែលជាសម្បត្តិធម្មជាតិ សាធារណៈ របស់រដ្ឋនោះ ហើយប្រជាពលរដ្ឋមានក្តីព្រួយបារម្មណ៍រហូតដល់ពលរដ្ឋស្នើសុំឲ្យក្រសួងពាក់ព័ន្ធចុះពិនិត្យ
-តែត្រូវបានលោក នុត ពុធដារ៉ា អភិបាលនៃគណៈអភបាលខណ្ឌដង្កោ បានសរសេរបំភ្លឺក្នុងសារអុិឡិចត្រូនិច មានខ្លឹមសារទាំងស្រុងថា « ខ្ញុំសូមបញ្ជាក់ថា៖ ចំពោះការលើកឡើងអំពីការចាក់ដីលុបនៅមាត់ស្ទឹងព្រែកកំពឹសនោះគឺម្ចាស់ដីសុំការអនុញ្ញាតិត្រឹមត្រូវពីមន្ទីរធនធានទឹក និងសាលារាជធានី ដោយមន្ទីរធនធានទឹកជាអ្នកពិនិត្យសិក្សាទៅលើបច្ចេកទេស ក្នុងការអនុញ្ញាតិអោយចាក់ដីទប់ច្រាំងកុំអោយបាក់បន្ត មិនមែនគោលដៅក្នុងការយកដីរបស់រដ្ឋធ្វើជាប្រយោជ៍ឯកជននោះទេ។បើលោកចង់ជ្រាបច្បាស់សូមលោកទាក់ទងសួរផ្ទាល់ពីលោកប្រធានមន្ទីរធនធានទឹករាជធានីភ្នំពេញ។សូមអរគុណ! » ។
បើទោះជា លោក នុត ពុធដារ៉ា អភិបាលខណ្ឌដង្កោ បានសរសេរសារបំភ្លឺយ៉ាងណាក្ដីក៏ប្រជាពលរដ្ឋនៅតែបន្តងឿងឆ្ងល់
-បើយោងតាមឯកសារ ក្រសួងធនធានទឹកនិងឧតុនិយម មន្ទីរធនធានទឹកនិងឧតុនិយម រាជធានីភ្នំពេញ-ករណីសំណើសុំសាងសង់ច្រាំងការពារការបាក់ដីប្រវែង១.២២៥.៧០ម៉ែត្រ ស្ថិតនៅចំណុចភូមិដំណាក់សង្កែ សង្កាត់ព្រែកំពឹស ខណ្ឌដង្កោ រាជធានីភ្នំពេញ ។ ដោយលិខិតស្នើសុំចុះថ្ងៃទី២៩ខែមករាឆ្នាំ២០១៦ របស់អ្នកឧកញ្ញា ឃុន សៀ ដែលបោះត្រានិងចុះហត្ថលេខា ដោយលោក ម៉ៅ ប៊ុន ធឿន ។
ប្រជាពលរដ្ឋបានបន្តថា ចុះបើលិខិតស្នើសុំចាក់ដីលុបមាត់ស្ទឹងព្រែកកំពឹស ក្នុងឯកសារនៅចំណុចភូមិដំណាក់សង្កែ សង្កាត់ព្រែកកំពឹស ចុះហេតុអ្វីបានជាមកចាក់ដីនៅភូមិព្រែករទាំងទៅវិញ.? ៕
