បុរសម្នាក់ត្រូវរថយន្តមិនចាំម៉ាកបេីកបុកពេញទំហឹងបណ្តាលឲ្យបោកក្បាលស្លាប់គួរឲ្យរន្ធត់
ភ្នំពេញ៖ បុរសម្នាក់ជិះម៉ូតូមួយគ្រឿងបើកក្នុងល្បឿនលឿនបញ្ច្រាសទិសដៅចរាចរណ៍ទៀតផងនោះ ក៏ត្រូវបាន រថយន្តមិនស្គាល់ម៉ាកបុកចំពីចំហៀងខាងស្តាំ បណ្ដាលឲ្យបុរសរងគ្រោះដួលបោកនិងថ្នល់បែកក្បាលស្លាប់យ៉ាងអណោចអធ័ម
គ្រោះថ្នាក់ចរាចរណ៍ដ៏រន្ធត់នេះបានកេីតឡេីងកាលពីវេលា ម៉ោង៩យប់ ទី១ខែមេសាឆ្នាំ២០១៩ ត្រង់ចំណុចខាងកើតរង្វង់មូលសំពៅមាស តាមបណ្ដោយផ្លូវលេខ២១៤ កែងនិងផ្លូវ១៤១ សង្កាត់បឹងព្រលិត ខណ្ឌ៧មករា រាជធានីភ្នំពេញ។
សពជនរងគ្រោះមិនត្រូវបានស្គាល់អត្តសញ្ញាណនោះទេ។
បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញបុរសរងគ្រោះខាងលើបានជិះម៉ូតូមួយគ្រឿងម៉ាកSUZUKIវីវ៉ា ពណ៌ខ្មៅ ពាក់ស្លាកលេខ ភ្នំពេញ1BL.7769ដោយធ្វេីដំណេីរតាមបណ្ដោយផ្លូវលេខ២១៤ ទិសដៅពីកើតទៅលិចបញ្ច្រាស់ទិសដៅចរាចរណ៍ ស្របពេលនោះស្រាប់តែមានរថយន្តមិនស្គាល់ម៉ាកមួយគ្រឿង បានបេីកបរក្នុងទិសដៅបញ្រ្ចាសទិសគ្នាពីលិចទៅកើត ក្នុងល្បឿនលឿន ហើយក៏បុកម៉ូតូរងគ្រោះ ដែលជិះបញ្ច្រាសទិសដៅចរាចរណ៍ បណ្ដាលឲ្យម៉ូតូដួលសង្កត់លើបុរសរងគ្រោះបែកក្បាលស្លាប់ភ្លាមៗនៅនឹងកន្លែងកេីតហេតុ។ ចំណែកឯរថយន្តបង្កមិនបានឈប់ចុះមកមេីលនោះទេ បានបន្ថែមល្បឿនព្យាយាមបើករត់គេចបាត់។
ក្រោយពេលកេីតហេតុសមត្ថកិច្ចជំនាញបានធ្វេីការវាស់វែងយកម៉ូតូរបស់ជនរងគ្រោះទៅរក្សាទុកនៅអធិការដ្ឋាននគរបាលខណ្ឌ៧មករា ដេីម្បីរង់ចាំសាច់ញាតិមកយកនៅពេលក្រោយ។ ដោយឡែកសពបុរសរងគ្រោះត្រូវបានសមត្ថកិច្ច ធ្វើកំណត់ហេតុរួចប្រគល់ឲ្យទៅក្រុមគ្រួសារដឹងយកទៅធ្វើបុណ្យតាមប្រពៃណី៕
