រន្ធត់ណាស់!! បុរសស្ត្រី ២នាក់ប្ដីប្រពន្ធត្រូវរថយន្តស្ទួចខ្នាតយក្សបើកកៀរនិងកិនស្លាប់ទាំង២នាក់យ៉ាងអាណោចអធម៌
ភ្នំពេញ៖ ករណីរថយន្តធំចូលក្រុងនៅតែបង្កបញ្ហានិងគ្រោះដល់ប្រជាពលរដ្ឋ ជាក់ស្ដែង បុរសស្ត្រី២នាក់ ប្ដីប្រពន្ធ ជិះម៉ូតូមកពីទិញឥវ៉ាន់ត្រូវរថយន្តស្ទួចខ្នាតយក្សបើកកៀរឲ្យដួលរួចកិនខ្ទេច ខ្លួននិងក្បាលផ្ដាច់យកជីវិត២នាក់ប្ដីប្រពន្ធស្លាប់ គួរឲ្យរន្ធត់យ៉ាងអាណោច អធម៌
ហេតុការណ៍នេះបង្កឲ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង០៩ និង២០នាទីយប់ ថ្ងៃទី៩ ខែមេសា ឆ្នាំ២០១៩ នៅតាមបណ្ដោយផ្លូវលេខ ១០០៣កែងផ្លូវបេតុង សង្កាត់ភ្នំពេញថ្មី ខណ្ឌសែនសុខ ។
សពបុរសជាប្ដីមានឈ្មោះ ញាណ សៅវុទ្ធី អាយុ៣៥ឆ្នាំ មានស្រុកកំណើតនៅភូមិកែវឧត្ដមឃុំត្រពាំងគងស្រុកសំរោងទង ខេត្តកំពង់ស្ពឺ ។ ឯសពប្រពន្ធនៅមិនទាន់ស្គាល់ឈ្មោះនោះទេ។
បើយោងតាមប្រភពព័ត៌មានពីកន្លែងកើតហេតុបានឲ្យដឹងថា នៅពេលកើតហេតុ គេឃើញបុរសស្ត្រីរងគ្រោះ២នាក់ ប្ដីប្រពន្ធខាងលើជិះម៉ូតូមួយគ្រឿងម៉ាកហុងដា PCX ពណ៌ស ពាក់ស្លាកលេខភ្នំពេញ 1HH-0909 ដោយជិះឌុបគ្នាធ្វើដំណើរតាមបណ្ដោយផ្លូវលេខ១០០៣ ទិសដៅពីជើងទៅត្បូង ក្នុងល្បឿនល្មម ខណៈមកដល់ចំណុចកើតហេតុខាងលើក៏ស្រាប់តែមានរថយន្តបង្ក KATO ប្រភេទរថយន្តស្ទួចធន់ធំ ពណ៌លឿងពាក់ស្លាកលេខភ្នំពេញ5A-0889បើកបរដោយបុរសម្នាក់ធ្វើដំណើរស្របទិសគ្នាមកពីក្រោយម៉ូតូជនរងគ្រោះយ៉ាងលឿន មិនប្រយត្ន័ក៏កៀរទាក់ដៃចង្កូតម៉ូតូរបស់ជនរងគ្រោះបណ្ដាលឲ្យដួល ខ្ទៀតចូលក្រោមកង់រថយន្តទាំងប្ដីនិងប្រពន្ធ ហើយកិនប្ដីខ្ទេចខ្លួនចំណែកបែកក្បាល អូសជាង១០ម៉ែត្រស្លាប់បាត់បង់ជីវិតគួរឲ្យរន្ធត់ ។
-ចំណែក អ្នកបើកបរបន្ទាប់ពីបង្កហេតុរួចភ្លាមៗ បានឈប់រថយន្តបើកទ្វារចុះរត់គេចខ្លួនបាត់ស្រមោល ។
ក្រោយកើតហេតុសមត្ថកិច្ចមូលដ្ឋាន និងជំនាញចរាចរណ៍បានចុះមកធ្វើការវាស់វែងយករថយន្តបង្ក និងម៉ូតូព្រមទាំងលុយជាង៥០០$របស់ជនរងគ្រោះ យកទៅរក្សាទុកនៅខាងការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនិតិវិធីច្បាប់ ។ ចំណែកសពជនរងគ្រោះទាំង២នាក់ប្ដីប្រពន្ធ ត្រូវបានសមត្ថកិច្ចជំនាញធ្វើកំណត់ហេតុប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី ៕
