ឆក់ការបូបជនជាតិចិនបានលុយ៣មុឺនដុល្លាតែរត់មិនរួចត្រូវសមត្ថកិច្ចក្របួចជាប់
ភ្នំពេញ៖ ជនសង្ស័យ២នាក់ជិះម៉ូតូធ្វើសកម្មភាព ឆក់កាបូបលុយពីស្ត្រីជនជាតិចិនម្នាក់បានសម្រេច ហេីយព្យាយាមជិះម៉ូតូគេចខ្លួនតែត្រូវបានកម្លាំងអន្តរាគមន៍ល្បាតឃេីញដេញតាមចាប់បានភ្លាមៗ
ហេតុការណ៍នេះបានកេីតឡេីងកាលពីវេលាម៉ោង១០និង៥០នាទីយប់ថ្ងៃទី១០ខែមេសាឆ្នាំ២០១៩ ត្រង់ចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយផ្លូវហសព័ន្ធរុស្ស៊ី ស្ថិតក្នុងសង្កាត់ចោមចៅទី៣ ខណ្ឌពោធិសែនជ័យ។
ជនសង្ស័យទាំង២នាក់ដែលកម្លាំងសមត្ថកិច្ចឃាត់ខ្លួនបានទី១=មានឈ្មោះ លឹម លាងហេង ភេទប្រុសអាយុ១៧ឆ្នាំមុខរបរមិនពិតប្រកដរស់នៅភូមិថ្មគោល សង្កាត់ចោមចៅទី២ ខណ្ឌពោធិសែនជ័យ និងទី២=មានឈ្មោះ ជាង សី ភេទប្រុសអាយុ១៥ឆ្នាំស្នាក់នៅក្បែរសាលាគោកបញ្ជាន់ ភូមិចោមចៅទី២ សង្កាត់ចោមចៅទី២ ខណ្ឌពោធិ៍សែនជ័យ មានស្រកកំណើត ឃុំសំពៅពូនស្រុកកោះធំខេត្តកណ្តាល ។
=ចំណែកជនរងគ្រោះឈ្មោះ ZENG CHUN ភេទស្រីអាយុ ៤២ឆ្នាំជាជនជាតិចិនដីគោក។
តាមសាក្សីដែលឃើញហេតុការនៅកន្លែងកេីតហេតុបានឲ្យដឹងថា មុនពេលកេីតហេតុជនរងគ្រោះបានចុះពីលេីសណ្ឋាគារដេីរលេងតាមផ្លូវឃេីញគេកំពុងធ្វេីកម្មវិធីជប់លាងក៏ទាញទូរស័ព្ទថតលេងភ្លាមនោះក៏លេចមុខជនសង្ស័យចំនួន២នាក់ជិះម៉ូតូម៉ាកឃ្លីកពណ៍ខ្មៅ គ្មានស្លាកលេខមកធ្វេីសកម្មភាពឆក់ការបូបយួពីដៃជនរងគ្រោះបានសម្រេចហេីយព្យាយាមជិះគេចខ្លួនតែត្រូវបានកម្លាំងអន្តរាគមន៍ល្បាតឃេីញក៏ដេញចាប់បានមកវិញភ្លាមៗតែម្តង។
ក្រោយមកជនសង្ស័យនិងវត្ថុតាងត្រូវបានកម្លាំងអន្តរាគមន៍ពិសេសខណ្ឌពោធិ៍សែនជ័យប្រគល់អោយប៉ុស្តិ៍នគរបាលរដ្ឋបាលចោមចៅទី៣ធ្វេីការសាកសួរនិងកសាងសំណុំរឿងបញ្ជួនបន្តទៅអធិការនគរបាលខណ្ឌដេីម្បីចាត់ការតាមនិតិវិធីច្បាប់៕
