ប៉ងលួចដុតផ្ទះទុកចោល២ដងមិនបានសម្រេច លើកទី៣ដុតឆេះផ្អើលត្រូវសមត្ថកិច្ចចាប់វ៉ៃខ្នោះ
ភ្នំពេញ៖ ផ្ទះដែលត្រូវបានម្ចាស់ទុកចោលជាយូមកហើយ ត្រូវបានអគ្គីភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលដល់ប្រជាពលរដ្ឋនិងសមត្ថកិច្ចចុះអន្តរាគមន៍ ព្រមទាំងឃាត់បានបុរសបែកថ្នាំម្នាក់សង្ស័យលួចដុត។
អគ្គីភ័យនេះ បានកេីតឡេីងកាលពីវេលាម៉ោង៨ និង៣០នាទីយប់ថ្ងៃទី២២ខែមេសាឆ្នាំ២០១៩ នៅគល់ស្ពានអាកាស៥មករា ខាងកេីតជំហៀងខាងត្បូង ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
យោងតាមប្រភពព័ត៌មានបានឲ្យដឹងថា ផ្ទះខាងលេីមិនមានម្ចាស់នៅនោះទេ ដោយទុកចោលជាយូខែមកហេីយ និងតែងតែងមានក្មេងពាលចូលមកជក់ថ្នាំញៀនជាញឹកញាប់ផងដែរ ។ ជាមួយគ្នានោះ នៅវេលាម៉ោងកេីតហេតុស្រាប់តែមានអគ្គីភ័យឆាបឆេះសន្ធោសន្ធៅបង្កការភ្ញាក់ផ្អេីលដល់បងប្អូនប្រជាពលរដ្ឋរាយការណ៍ទៅសមត្ថកិច្ចហៅរថយន្តពន្លត់អគ្គីភ័យមកជាច្រេីនគ្រឿងមកអន្តរាគមន៍បាញ់ពន្លត់។
សមត្ថកិច្ចបានឲ្យដឹងថា ក្នុងហេតុការណ៍ខាងលេីនេះសមត្ថកិច្ចបានឃាត់ខ្លួនបុរសម្នាក់ដែលញៀនថ្នាំ ដែលសង្ស័យជាអ្នកលួចដុត រួចបាននាំទៅសាកសួរនៅប៉ុស្តិ៍នគរបាល។
សមត្ថកិច្ចបានបញ្ជាក់ថា ក្នុងការបង្កាគ្រោះអគ្គីភ័យខាងលេីអាជ្ញាធរប្រេីប្រាស់ទឹកអស់ចំនួន៤គ្រឿងហេីយអគ្គីភ័យទើបរលត់ទៅវិញ ដោយមិនរាល់ដាលដល់ផ្ទះអ្នកជិតខាងនោះទេ គ្រាន់តែរកការខូចខាតពីដានបន្តិចបន្ទួចតែប៉ុណ្ណោះ៕
