បុរសម្នាក់ជិះម៉ូតូមកពីផ្ទះម្ដាយជួបគ្រោះថ្នាក់ចរាចរណ៍ស្លាប់ចោលប្រពន្ធនិងកូនតូចគួរឲ្យសង្វេក
ភ្នំពេញ៖ បុរសម្នាក់ជិះម៉ូតូត្រឡប់មកពីផ្ទះម្ដាយត្រូវបុកគ្នាជាមួយរថយន្តបាឡែនផ្លោងដួលកណ្ដាលថ្នល់បណ្ដាលឲ្យរថយន្តមួយគ្រឿងទៀតមិនចាំម៉ាកបើកមកពីក្រោយបុកនិងកិនបន្ថែមពីលើស្លាប់យ៉ាងអាណោចអធម៌ ចោលប្រពន្ធនិងកូនទើបតែអាយុ៣ខែ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង៦និង៥០នាទីព្រលប់ថ្ងៃទី១៨ខែវិច្ឆិការឆ្នាំ២០១៨ នៅតាមបណ្ដោយផ្លូវ៦០ម៉ែត្រ ស្ថិតក្នុងភូមិរលួសសង្កាត់ ជើងឯក ខណ្ឌដ្កោ រាជធានីភ្នំពេញ ។ ជនរងគ្រោះមានឈ្មោះ កង ធី ភេទប្រុសអាយុ២៥ឆ្នាំ មុខរបកម្មករោងចក្រ មានប្រពន្ធនិងកូនតូចអាយុទើបតែបាន៣ខែស្នាក់នៅម្ដុំព្រែកកំពឹស មានស្រុកកំណើតភូមិកណ្ដាល ឃុំស្វាយចេក ស្រុករំដួល ។
Read More