អាសូរណាស់! លោកតាម្នាក់បណ្ដើរកង់ឆ្លងផ្លូវត្រូវម៉ូតូបុកស្លាប់
ភ្នំពេញ៖ លោកតាម្នាក់បានបណ្ដើរកង់ឆ្លង់ផ្លូវ ខំលើកដៃជាសញ្ញា តែអ្នកបើកម៉ូតូធុនធំមួយគ្រឿងមិនប្រណីបុកប្រឡៃជីវិតលោកតាស្លាប់ភ្លាមៗនៅនិងកន្លែងយ៉ាងអាណោចអធម៌ គ្រោះថ្នាក់ចរារចណ៍ដ៏រន្ឋត់នេះបានកើតឡើងកាលពីវេលាម៉ោង១២ និង៣០នាទីរសៀលថ្ងៃទី០៧ខែកុម្ភៈ ឆ្នាំ២០១៩ នៅតាមបណ្ដលយផ្លូវជាតិលេខ៤ ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។ បើតាមប្រភពព័ត៍មាននៅកន្លែងកើតហេតុបានឲ្យដឹងថា មុនពេលកើតហេតុគេបានឃើញលោកតារងគ្រោះបានបណ្ដើរកង់ឆ្លង់ផ្លូវជាតិ៤ដោយបានឆ្លង់ពីទិសខាងជើងទៅទិសត្បូងហើយបានលើកដៃជាសញ្ញា សុំឆ្លងផ្លូវស្របពេលនោះក៏មានម៉ូតូធុនធំមួយគ្រឿងពណ៌លឿងមិនចាំម៉ាកនឹងមិនចាំស្លាកលេខបើកបរក្នុងល្បឿនលឿនពីលិចទៅកើតខណៈមកដល់ចំណុចកើតហេតុក៏ជ្រុលទៅបុកលោកតាដែលកំពុងបណ្ដើលកង់ពេញទំហឹងផ្លោងខ្ទាតជាច្រើនម៉ែត្របណ្ដាលឲ្យបោកក្បាល់ស្លាប់ភ្លាមៗនៅកណ្ដាល់ផ្លូវជាតិលេខ៤យ៉ាងអាណោចអធ័ម ចំនែកម៉ូតូបង្កមិនបានដួលក៏បានបន្ថែមល្បឿនបើកគេចបាត់ស្រមោល ។ ក្រោយកើតហេតុភ្លាមៗក្រុមគ្រួសារសាច់ញាតិជនរងគ្រោះបានមកដល់ស្រែកទ្រហោយំនិងបានលើកសពឡើងលើរថយន្តដឹកមកអែបខាងចាំសមត្ថកិច្ចជំនាញចរាចរណ៍ចុះមកពិនិត្យមើលនិងធ្វើកំណត់ហេតុប្រគល់សពជូនទៅឲ្យសាច់ញាតិក្រុមគ្រួសារចាត់ចែងយកទៅស្រុកកំណើតធ្វើបុណ្យតាមប្រពៃណី ។
Read More
