Day: June 29, 2019

ភ្នំពេញ៖​ កម្លាំងអាជ្ញាធរខណ្ឌពោធិសែនជ័យ​ អនុវត្ថ​វិធានការក្ដៅ​ របស់​ លោក​ អភិបាលរាជធានីភ្នំពេញ​ ដោយចុះបង្ក្រាប​ទីតាំងណេត​ ​បង្កប់ល្បែងសុីសង​ ហ្គេមបាញ់ត្រីមួយកន្លែង ស្ថិតនៅទល់មុខអាកាសយាន​ដ្ឋានអន្តរជាតិភ្នំពេញ ក្នុងភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ ។ ការចុះបង្ក្រាបនេះធ្វើឡើងកាលពីវេលា​ម៉ោង​៧យប់ថ្ងៃ២៨ ខែមិថុនាឆ្នាំ២០១៩​ ដឹកនាំកម្លាំងដោយលោក​ប៉ាង លីដា អភិបាលរងខណ្ឌ ពោធិសែនជ័យ​

ភ្នំពេញ៖ ម៉ូតូរឺម៉កដឹកដែកបើកបញ្ច្រាស់ទិសដៅចរាចរណ៍ត្រូវរថយន្តដឹកប្រេងកំពុងធ្វើដំណើរជាន់ហ្វាំងមិនទាន់បណ្តាលឲ្យបុកក្រឡាប់ផ្ងាជើងសំណាងល្អអ្នកបើកបរទាំងសងខាងរងបួសស្រាល​ ៖​ គ្រោះថ្នាក់​ចរាចរណ៍នេះបានកើតឡើងកាលពីវេលា​ម៉ោង​៦និង៣០នាទីព្រលប់ថ្ងៃទី២៨ ខែមិថុនាឆ្នាំ២០១៩ នៅតាមបណ្តោយផ្លូវភ្នំពេញហាណូយ ក្នុងសង្កាត់ឃ្មួញ ខណ្ឌសែនសុខ។ យោងតាមប្រភពពីកន្លែងកើតហេតុបានឲ្យ​ដឹងថា នៅមុនពេលកើតហេតុគេឃើញមានម៉ូតូរឺម៉ក១គ្រឿងដឹកដែក​បើកបរដោយបុរស​ម្នាក់ក្នុងទិសដៅពីជើងទៅត្បូងបញ្ច្រាស់ទិសដៅចរាចរលុះមកដល់ចំណុចកើតហេតុក៍មានរថយន្ត១គ្រឿងដឹកប្រេងពាក់ស្លាក​លេខភ្នំពេញ៣D-៩០៦៩បើកបរដោយបុរស​ ម្នាក់មិនស្គាល់អត្តសញ្ញាណក្នុងទិសដៅពីត្បូងទៅជើងបញ្រ្ចាស់ទិសដៅចរាចរក៍ជ្រុលទៅបុកនិងម៉ូតូខាងលើបណ្តាលអោយរថយន្តក្រឡាប់ផ្ងាជើងរងការខូចខាតនិងម៉ូតូរឺម៉កជ្រុសដែកពេញផ្លូវតែសំណាងល្អអ្នកបើកបរ​ទាំងសងខាងរងរបួសស្រាល។ ក្រោយកើតហេតុសមត្ថកិច្ចនគរបាលផ្នែកចរាចរបានចុះមកដល់និងធ្វើការវាស់វែងស្ទួច​យករថយន្តនិងរុឺម៉កម៉ូតូទៅរក្សាទុកនៅអធិការរដ្ឋាននគរបាលខណ្ឌសែនសុខ ដើម្បីរងចាំម្ចាស់ចូលដោះស្រាយគ្នានៅពេលក្រោយ៕

ភ្នំពេញ៖ យុវជនទំនើង៥នាក់ត្រូវបានកម្លាំង​នគរបាល​ប៉ុស្ដិ៍រដ្ឋបាលទំនប់ទឹក ធ្វើការឃាត់ខ្លួនយកទៅសួរនាំ ក្រោយពីពួកគេធ្វើសកម្ម​ភាពបើកឆាកប្រយុទ្ធគ្នាយ៉ាងចាស់ដៃ បង្កឲ្យមានការភ្ញាក់ផ្អើល​ កាលពីវេលាម៉ោង១១ និង​០៥នាទីយប់ ថ្ងៃទី២៨ ខែមិថុនាឆ្នាំ២០១៩ នៅ​ក្បែរច្រកចូលផ្សារទំនើបសុវណ្ណា តាមបណ្ដោយផ្លូវ២៧១ សង្កាត់ទំនប់ទឹក ខណ្ឌចំការមន រាជធានីភ្នំពេញ ។ សមត្ថកិច្ចនគរបាលប៉ុស្ដិ៍ទំនប់ទឹក បានឲ្យដឹងថា យុវជនទំនើងដែលបង្កហេតុមាន២ក្រុម ដោយមួយក្រុមៗមានគ្នា៣នាក់ដូចគ្នាតែត្រូវ​ សមត្ថកិច្ចឃាត់ខ្លួនបាន៥នាក់​