សង្ស័យស្រវឹងបើករថយន្តបុករបាំងថ្មរួចគេចខ្លួនបាត់
ភ្នំពេញ៖ បុរសម្នាក់សង្ស័យស្រវឹងស្រាបើករថយន្តលឿនដូចហោះមិនប្រយត្ន័ជ្រុលទៅបុករបាំងថ្មចែកផ្លូវគងជាប់ទៅមុខលែងរួច គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០និង៤០ នាទីយប់ថ្ងៃទី២៤ ខែសីហា ឆ្នាំ២០១៩ នៅតាមបណ្តោយផ្លូវម៉ៅសេទុង កែងនិងផ្លូវ១៩៣ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់រួមដំណើរនិងបុរសម្នាក់ទៀតបានបើករថយន្ត ព្រូស ពណ៌ស មួយគ្រឿងពាក់ស្លាកលេខភ្នំពេញ2AL-4935 ធ្វើដំណើរតាមបណ្ដោយផ្លូវម៉ៅសេទុង ទិសដៅពីកើតទៅលិច ខណៈមកដល់ចំណុចកើតហេតុស្រាប់តែរេចង្កូតមកខាងឆ្វេងជ្រុលទៅបុករបាំងថ្មចែកទ្រូវផ្លូវពេញទំហឹង បណ្តាលឲ្យបាក់អស់ចំនួន១កង់
Read More
