Month: December 2019

ប៉ៃលិន៖ លោក តាន់ គឹមហៀក ចៅក្រម​ស៊ើបសួរ នៃសាលា​ដំបូងខេត្តប៉ៃលិន ល្ងាចថ្ងៃទី២០ ខែធ្នូ ឆ្នាំ២០១៩បានចេញដីកា​បង្គាប់ឲ្យឃុំខ្លួនជនត្រូវចោទ ង៉ែត លីទី ដាក់ពន្ធនាគារបណ្ដោះអាសន្ន​រយៈពេល០៤ខែ គិតត្រឹមថ្ងៃទី២០ ខែធ្នូ ឆ្នាំ២០១៩ ដល់ថ្ងៃទី​២០ ខែ មេសា ឆ្នាំ ២០២០

ភ្នំពេញ៖នៅព្រឹកថ្ងៃទី២១ខែធ្នូឆនាំ២០១៩​នេះ ចៅក្រមស៊ើបសួរសាលាដំបូងរាជធានី​ភ្នំពេញ បន្តនីតិវិធីសាកសួរ​ ថៅកែការ៉ាស់​សាំង PTT លោក សារុន វីថូរ៉ាត់ កូនប្រុស​លោក ច័ន្ទ សារុន តំណាងរាស្ត្រ​ ខេត្តតា​កែវដែលបានចោទប្រកាន់ជាផ្លូវការពីបទ ហិង្សាដោយចេតនាមានស្ថានទម្ងន់ទោស តាមមាត្រា២១៨នៃក្រមព្រហ្មទណ្ឌ ។ នៅដំណាក់កាលនេះ ចៅក្រមស៊ើបសួរ នឹងសម្រេចឃុំខ្លួនឬមិនឃុំខ្លួន ជនត្រូវចោទ

ភ្នំពេញៈ នៅសាលប្រជុំខណ្ឌដង្កោ នារសៀលថៃ្ងព្រហស្បតិ៍ ៨រោច ខែមិគសិរ ឆ្នាំកុរ ឯកស័ក ពស ២៥៦៣ ត្រូវនឹង ថៃ្ងទី ១៩ ខែធ្នូ ឆ្នាំ ២០១៩ បានប្រារព្ធ ពិធីប្រកាស ផ្ទេរភារកិច្ច តែងតាំងមុខ តំណែង

ភ្នំពេញ)៖លោកឧកញ៉ាអ៊ុចសម្បត្តិរស់​នៅ​ផ្ទះលេខ៥ផ្លូវហ្វតធើរៀបុរីប៉េងហួតសង្កាត់ទួលសង្កែ២ខណ្ឌឬស្សីកែវរាជធានីភ្នំពេញកាលពីថ្ងៃទី១៦ខែធ្នូឆ្នាំ២០១៩បានដាក់លិខិតចូលសាលាដំបូងរាជធានី​ភ្នំពេញស្នើសុំឲ្យតុលាការប្រមូលយកវត្ថុតាងដែលសមត្ថកិច្ចបានផ្ញើនៅនឹងរូបលោកជាបណ្ដោះអាសន្នក្នុងពេលកន្លងទៅនោះយកទៅបំផ្លាញ់ចោលតាមនីតិវិធី។ ការស្នើសុំតុលាការនេះបានធ្វើឡើងដោយយោងតាមសាលក្រមព្រហ្មទណ្ឌលេខៈ​៣៥៤៦ចុះថ្ងៃទី១២ខែធ្នូឆ្នាំ២០១៨របស់សាលាដំបូងរាជធានីភ្នំពេញនិងកំណត់​ហេតុអនុវត្តចុះថ្ងៃទី០៩ខែមេសាឆ្នាំ២០១៩។ លោកឧកញ៉ាអ៊ុចសម្បត្តិបញ្ជាក់ជូនលោក​ប្រធានតុលាការក្រុងភ្នំពេញថាកាលពីថ្ងៃទី​០៥ខែធ្នូឆ្នាំ២០១៨សាលា​ដំបូងរាជធានី​ភ្នំពេញបានបើកសវនាការជាសាធារណៈជំនុំជម្រះលើសំណុំរឿងព្រហ្មទណ្ឌលេខ៥៣៤០ចុះថ្ងៃទី០៤ខែកញ្ញាឆ្នាំ២០១៨ដោយសម្រេចពិន័យជាប្រាក់ចំនួន១០,០០០,០០០(ដប់លាន) រៀលនិងសម្រេចប្រគល់ទីតាំងផ្ទះលេខ០១ផ្លូវQ០៦សង្កាត់ទួលសង្កែខណ្ឌឬស្សីកែវរាជធានីភ្នំពេញដែលត្រូវសមត្ថកិច្ចបិទទ្វារឃ្លុំបេជា​បណ្ដាះអាសន្ននិងវត្ថុតាងចាប់យកចំនួន០៦​មុខជូនម្ចាស់ដើមវិញនិងសម្រេចរឹបអូសវត្ថុតាងqចាប់យកចំនួន១៧មុខទុកបំផ្លាញចោលដូចមានចែងនៅក្នុងសាលក្រមព្រហ្មទណ្ឌស្ថាពរលេខ៣៥៤៦ចុះថ្ងៃទី១២ខែធ្នូឆ្នាំ២០១៨របស់សាលាដំបូងរាជធានីភ្នំពេញ។ នៅនៅព្រឹកថ្ងៃទី០៩ខែមេសាឆ្នាំ២០១៩តំណាងអយ្យការអមសាលាដំបូងរាជធានីភ្នំពេញបានដឹកនាំសមត្ថកិច្ចចំរុះរួមមាននរគបាលនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃនិងមន្ត្រីនៃមន្ទីរសុខាភិបាលរាជធានីភ្នំពេញចុះទៅអនុវត្តសាលក្រមព្រហ្មទណ្ឌស្ថាពរលេខ៣៥៤៦ចុះថ្ងៃទី១២ខែធ្នូឆ្នាំ២០១៨របស់សាលាដំបូងរាជធានីភ្នំពេញតាមនីតិវិធីច្បាប់។នៅពេលអនុវត្តសាលក្រមសមត្ថកិច្ចបានសម្រេចផ្ញើវត្ថុរឹបអូសមួយចំនួននៅនឹងខ្ញុំបាទដើម្បីរក្សាទុកជាបណ្ដោះអាសន្នដោយមូលហេតុថាសមត្ថកិច្ចពុំទាន់មានកន្លែងរក្សាទុកវត្ថុទាំងនោះនៅឡើយដូចមានក្នុងកំណត់ហេតុអនុវត្តចុះថ្ងៃទី០៩ខែមេសាឆ្នាំ២០១៩ភ្ជាប់មកជាមួយស្រាប់។ លោកឧកញ៉ាអ៊ុចសម្បត្តិបន្ថែមថាដោយការផ្ញើវត្ថុរឹបអូសខាងលើនេះគឺត្រូវបានផ្ញើនិងរក្សាទុកនៅក្នុងបរិវេណផ្ទះរបស់ឈ្មោះហ៊ីមសុភ័ក្ក្រស្ថិតនៅទីតាំងផ្ទះលេខ៥ផ្លូវហ្វតធើរៀបុរីប៉េងហួតសង្កាត់ទួលសង្កែ២ខណ្ឌឬស្សីកែវរាជធានីភ្នំពេញហាលថ្ងៃហាលភ្លៀងអស់រយៈពេលជិតមួយឆ្នាំ(រងចាំសេចក្ដីសម្រេចពីតុលាការនិងសមត្ថកិច្ចអនុវត្ត) បើគិតមកដល់បច្ចុប្បន្នដែលវាអាចបង្កឲ្យមានផលប៉ះពាល់ដល់សុខភាពសមាជិកក្រុមគ្រួសាររបស់ខ្ញុំបាទយ៉ាងធ្ងន់ធ្ងរពីព្រោះវត្ថុទាំងនោះគឺជាវត្ថុធាតុដើមដែលបំលែងទៅជាសារធាតុគីមីងាយនឹងប៉ះពាល់ដល់សុខភាពនិងបរិស្ថានប្រសិនបើទុកដាក់មិនបានត្រឹមត្រូវតាមបច្ចេកទេស។ មួយវិញទៀតវត្ថុធាតុដើមមួយចំនួនបានហួសកាលបរិច្ចេទប្រើប្រាស់និងខូចគុណភាពបង្កឲ្យមានក្លិនមិនល្អបង្កឲ្យខូចបរិយាកាសនៅក្នុងបរិវេណផ្ទះរបស់របស់ខ្ញុំបាទនិងផ្ទះរបស់អ្នកជិតខាងរបស់របស់ខ្ញុំបាទព្រមទាំងសាយភាយសារធាតុគីមីផ្សេងៗទៀតបណ្ដាលឲ្យមានបញ្ហាផ្លូវដង្ហើមនិងមេរោគសើស្បែកធ្ងន់ធ្ងរដល់អ្នករស់នៅក្បែរវត្ថុទាំងអស់នោះ។ ដូច្នេះសូមតុលាការនិងសមត្ថកិច្ចជំនាញមេត្តាចាត់វិធានការប្រមូលយកវត្ថុបញ្ញើខាងលើចេញពីផ្ទះរបស់របស់លោកឲ្យបានឆាប់រហ័សបំផុតដើម្បីកុំឲ្យបង្កផលប៉ះពាល់ដល់សុខភាពនិងអាយុជីវិតសមាជិកគ្រួសាររបស់លោកនិងអ្នកជិតខាងរបស់លោក៕