បើករថយន្តទំនើបបុកខឿនចញ្ចើមផ្លូវពេលអ្នកសារព័ត៌មានទៅថតផ្សាយស្រាប់តែមានអ្នកឡើងតាមវិទ្យុទាក់ទងចោទថា អ្នកសារព័ត៌មានទាលុយ២០០ដុល្លារ
ភ្នំពេញ៖ បុរសម្នាក់បើករថយន្តស៊េរីទំនើបម៉ាក បេលី មួយគ្រឿងរេចង្កូតជ្រុលទៅបុកខឿនផ្លូវបណ្តាលឲ្យរងការខូចខាតរថយន្តយ៉ាងដំណំ បន្ទាប់មកមានអ្នកឡើងតាមវិទ្យុទាក់ទងចោរថា អ្នកសារព័ត៌មានជំរឹតទាលុយផ្អើលសមត្ថកិច្ចខណ្ឌដូនពេញ ហេតុការណ៍នេះកើតឡើងកាលពីវេលាម៉ោង០២យប់រំលងអធ្រាត្រឈានចូលថ្ងៃទី៣ខែមិថុនាឆ្នាំ២០២០ នៅចំណុចក្បែរង្វង់មូលកួចកាណុង សង្កាត់ស្រះចក ខណ្ឌដូនពេញ រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តមួយគ្រឿងម៉ាក (បេលី )ពណ៌ខ្មៅពាក់ស្លាកលេខភ្នំពេញ2AT-0001 បើកបរដោយបុរសម្នាក់ធ្វើដំណើរចុះពីលើស្ពានជ្រោយចង្វាថ្មី ទិសដៅពីកើតទៅលិចឆ្ពុះទៅផ្លូវ៧០ លុះមកដល់ចំណុចកើតហេតុខាងលើបានរេចង្កូតទៅខាងឆ្វេងដៃជ្រុលបុកខឿនផ្លូវបណ្ដាលឲ្យខឿនផ្លូវរងការខូចខាតបន្តិចបន្តួច ចំណែករថយន្តរងការខូចខាតផ្នែកខាងមុខយ៉ាងដំណំ ។
Read More
