Month: February 2021

ភ្នំពេញ​៖​ ស្ត្រីម្នាក់ត្រូវក្រុមជនសង្ស័យ៣នាក់ជិះម៉ូតូឌុបគ្នាមកធ្វើសកម្មភាពឆក់កាបូបលុយបានសម្រេច​ដែលមានទឹកប្រាក់២០០$ រួចនាំគ្នាជិះគេចខ្លួនដោយសុវត្តិភាព​ កាលពីវេលាម៉ោង៩​ និង១០នាទីយប់​ ថ្ងៃទី២៤​ ខែកុម្ភៈ​ ឆ្នាំ​២០២១​ នៅមុខសាលាស្ទឹងមានជ័យ តាមបណ្ដោយផ្លូវ២១៧ក្នុងសង្កាត់ស្ទឹងមានជ័យ២​ ខណ្ឌមានជ័យ​ រាជធានីភ្នំពេញ​។ ស្ត្រីរងគ្រោះមានឈ្មោះ​ មុំ​ ធីតា​ អាយុ៣៩ឆ្នាំ​ មុខរបបកម្មការនីរោងចក្រ​ ស្នាក់នៅភូមិថ្មគោល២​ សង្កាត់ចោមចៅ២​ ខណ្ឌពោធិ៍សែនជ័យ​។

ខេត្តក្រចេះ៖ បុរសម្នាក់ជាប្តីចុងដែលខឹងប្រពន្ធក៏ដុតផ្ទះខ្លួនឯងចោលបណ្តាលឱ្យឆេះខ្ទេចបង្កការភ្ញាក់ផ្អើលស្ថិតនៅភូមិអាជេន ឃុំកំពង់ចាមស្រុកសំបូរខេត្តក្រចេះកាលពីល្ងាចថ្ងៃទី២៣ ខែកុម្ភៈ ឆ្នាំ២០២១។ មន្ត្រីនគរបាលប៉ុស្តិ៍ បានឱ្យដឹងថា៖ផ្ទះមួយមាន៣ខ្នង ត្រូវបុរសជាប្តីចុងបាន ឈ្លោះប្រកែកគ្នា ក៏កើតហិង្សាឡើងហើយបុរសជាប្តីធ្វើអ្វីប្រពន្ធមិនបាន ក៏ដុតផ្ទះខ្លួនឯងចោលបណ្តាលឱ្យឆេះខ្ទេច នៅភូមិឃុំកើតហេតុ។មន្ត្រីបានបន្តថា៖ជនបង្កឈ្មោះភា ព្រហស្សឯប្រពន្ធឈ្មោះ ឈុន ស្រីរ័ត្ន។ មុនកើតហេតុប្តីប្រពន្ធបានឈ្លោះប្រកែកគ្នាស្រាប់តែប្តីខឹងធ្វើអ្វីប្រពន្ធមិនបាន បែរជាទៅដុតផ្ទះរបស់ខ្លួនដែលមានទំហំ៧ម៉ែត្រគុណ១២ម៉ែត្រ ដំបូលប្រក់ដែកស័ង្គសីជញ្ជាំងក្តារ៣ខ្នងបណ្តាលឱ្យឆេះ ខូចខាតអស់ទាំងស្រុង រួមទាំងទ្រព្យសម្បត្តិផង៕

ខេត្តកោះកុង៖ បុរសជាកម្មករសំណង់ម្នាក់បានបានស្លាប់បន្ទាប់ពីហូបត្រីក្រពត កាលពីវេលាទៀបភ្លឺចូលថ្ងៃទី២៣ខែកុម្ភៈឆ្នាំ២០២១ នៅភូមិព្រែកស្មាច់ ឃុំកោះស្តេចដារាសាគរ ខេត្តកោះកុង។ មន្ត្រីមូលដ្ឋានបានឱ្យដឹងថា៖សពជនរងគ្រោះឈ្មោះ សាន សុខចាប ភេទប្រុស អាយុ២៨ឆ្នាំ ជនជាតិខ្មែរ បុខរបរកម្មករ ស្រុកកំណើត និងលំនៅបច្នុប្បន្ន ភូមិបុសខ្នុរ ឃុំបុសខ្នុរ ស្រុកចម្ការលើ ខេត្តកំពង់ចាម ។